Skogskoier er ein viktig del av skogbrukshistoria i Sør-Aurdal

Sør-Aurdal Historielag vedtok på årsmøtet i 2019 å samle stoff om og bilder av dei mange skogskoiene i kommunen.

Tanken var at dette kunne bli utgitt i form av ei bok om nokre år. No, i oktober 2023, er arbeidet kome langt.

Ca. 180 skogskoier over heile kommunen er registrert og teke bilder av, med godkjenning av eigarane.

Berre nokre få står att å registrera, og det håper vi skal vera på plass innan snøen kjem.

Leiaren og primus motor i dette prosjektet, Anette Hougsrud, er svært interessert i gamle bilder, og ikkje minst, historier om skogskoier som kan brukast i boka som er under planlegging.

Ta kontakt med Sør-Aurdal historielag om du trur du har noko å bidra med til skogskoie-prosjektet vårt!