Bjørgan

Har lagt ned gardsdrifta

Publisert av Arne Heimestøl 24.01.2022. Sist oppdatert 22.01.2022.

Gunn Helene Bjørgan (63) og Kjell Harald Bjørgan (68) har lagt ned drifta av garden Bjørgan i Øvrevegen i Hedalen. No vert dei pensjonistar.

Ekteparet overtok garden i 1978. Dei ni første åra dreiv dei med sau.

Både nybygg og nydyrking

I 1987 kunne dei ta nybygd låve og fjøs i bruk. I fjøsen var det plass til 12 kyr + ungdyr.

Garden har 88 mål med dyrka mark. 50 mål har Gunn Helene og Kjell Harald dyrka opp sjølv etter 1987. I tillegg har dei leigd jord av ein nabo.

Mjølkekvoten var først på 64 tonn, men vart seinare redusert til 60. Det er mellom 400 og 500 dekar produktiv skog knytt til garden.

To gonger har ekteparet fått ti-årsplakett frå Tine for levering av særs god mjølk og godt fjøsstell. I 1986 vart dei heidra for å ha den beste vêren i Oppland. Foto: Arne G. Perlestenbakken

Ammekyr

I 2010 vart drifta av garden på nytt lagd om. No tok ammekyr over. Det var 16 slike dyr, i ulik alder, som vart sende til slakteriet då gardsdrifta vart lagt ned ved årsskiftet 2021–2022.

Jorda vert driven vidare

Kjell Harald fortel at grannen Tor Heine Åslibråten har leigd dei 88 måla med dyrka jord. Dermed held noko av gardsdrifta fram.

– Dottera vår, Hanne, er utdanna vernepleiar og har arbeid på Lillehammer. Vi forstår godt at ho ikkje ynskjer å overta gardsdrifta, seier Kjell Harald. – Garden er for liten, og skal den drivast vidare slik vi har gjort det, må det i tråd med krava frå styresmaktene investerast i ny lausdriftfjøs.

Tilleggsarbeid

Gunn Helene legg til at ho har hatt arbeid som reinhaldar på Hedalen barne- og ungdomsskole i 21 år. Kjell Harald har teke på seg skogsarbeid. Slikt ekstraarbeid har vore nødvendig fordi inntektene frå gardsdrifta har vore for snau, seier Gunn Helene.

No er fjøsdøra steng. Foto: Arne G. Perlestenbakken

Les også..

Montørene

Benkevarmere erstatter rørovner

Bagn kyrkje og Hedalen stavkirke har brukt rørovner til oppvarming. ...
Alfred Bjørlo

På tide å ta ME-sjuke på alvorYTRING 

ME er ein sjukdom som påfører dei som vert råka ...
Hedalen stavkirke ved juletider

JulekonsertBEKJENTGJØRELSE 

Det blir julekonsert i Hedalen stavkirke lørdag 17. desember kl. ...
På toppen mellom Surtind og Storausttjern

Løypebidrag sesongen 2022–2023YTRING 

Kjære bruker av skiløypene i Hedalsfjella! Først vil vi si ...

Bildeglimt fra lysfest og julegrantenning

Joker Hedalen, Lions Club Vassfaret og Bautahaugens Venner hadde invitert ...
Renovasjon

Sendt på høring uten tallgrunnlag

I formannskapets budsjett- og økonomiplan for 2023–2026 leser vi at ...