Ankar ikkje

– Eidsiva bredbånd tek tilgrettens dom til etterretning og vel å ikkje anke. Dette skriv direktør for leveranse i Eidsiva, Tom Caspersen, i e-post til Hedalen.no.

Han legg til at Eidsiva bredbånd vil komme attende til tidspunkt for leveranse av fiberbreiband til Goplerudvegen 147 når planen for utbygging er klar.

Vann fram i søksmål mot Eidsiva bredbånd

Tysdag vart det kjent at Sør-Gudbrandsdal tingrett har gjeve Ola Rygg medhald i at avtalen som vart inngått mellom Eidsiva bredbånd og Rygg 18. oktober 2018 om framføring av breiband til Goplerud, er rettsleg bindande.

Det betyr at Goplerud sør i Hedalen skal få fiberbreibandtilkopling for 3 990 kr. I tillegg må Eidsiva betale Ola Rygg sine sakskostnader på 37 882 kr. Fristen for å anke dommen var sett til éin månad. Eidsiva bredbånd har alt konkludert. Det vert ingen anke.

• Sjå oppslaget Vann fram i søksmål mot Eidsiva bredbånd.