Kor

Konsertar med koret OFFbeat frå Nord-Tyskland

Publisert av Jan Henrik Bakke 03.05.2024. Sist oppdatert 02.05.2024.

OFFbeat er eit kor frå Schleswig i Tyskland, nærare bestemt frå byen Rendsburg ved Kiel-kanalen. I fleire hundre år låg hertugdømma Schleswig-Holstein under Danmark, og Rendsburg var dansk garnisonsby. Christkirche, som stod ferdig i 1700, kunne romme 2 000 soldatar til gudstenste.
No er kyrkja også konsertarena under den årlege Pop & Gospelfestivalen kvar haust.

I 2019 var Sør-Aurdalkoret og Vestre Slidre sanglag gjestekor under festivalen. Då framførte 230 songarar frå 10 kor og ensemble sine program i ei fullsett kyrkje. Stor stemning og stor stas!
Utan at vi visste om det, hadde vertane lagt ut norske papirflagg i kyrkjebenkane, og vi vart både rørte og overraska då vi såg raudt, kvitt og blått overalt i kyrkjerommet etter vårt program.

Primus motor for festivalen er Birthe Ley-Thörning, organist og dirigent for koret OFFbeat. Dei har drygt 50 medlemar. I 2020 og 2021 sette korona-restriksjonar ein stoppar for festivalen, men i 2022 kom arrangementet på plass att, og i 2023 vart festivalen arrangert for 23. gong.

No er det vår tur til å vere vertar for OFFbeat, som kjem på gjenvisitt til Noreg med 38 songarar. Songarane bur dels privat hos songarvener, dels på hotell.

Vi byr på to gratiskonsertar saman med dei tyske gjestene våre:

  • Begnadalen kyrkje, helgetorsdag 9. mai kl. 17, med Hedalen sangkor som gjestekor.
  • Slidredomen fredag 10. mai kl. 17.

Kjem du på konsert, får du høyre eit svært variert program, framført i dei to beste konsertkyrkjene i Valdres. Dette må du få med deg! Velkomen skal du vere!

Les også..

Arne G. Perlestenbakken fikk kulturprisen

Hedalen.no i 2016

2016 var et begivenhetsrikt år for Hedalen og resten av ...
Sangkoret

Borghild 80 år

Borghild Hagen Bolstad fylte 80 år 26. juli 2025. Dagen ...
Normisjon

Hedalen misjonsforening

BEKJENTGJØRELSE: Hedalen misjonsforening har møte hos Ragnhild og Kjell Eriksen ...
Vegard Vestrom Hedalen bygdeutvalg

Pressemelding fra Hedalen

Bygdesamfunnet i Hedalen ønsker å uttrykke sin dype medfølelse etter ...
Utsikt mot Strøen, Nord i Vassfaret. Foto: Tor Ola Skogstad

Skogsfugljakt

ANNONSE: Jeg er på utkikk etter skogsfugljakt med hund i ...
30

Marknad på Bagn 23. august

Marknaden på lørdag ble en fin dag for både utstillere ...