Torodd Lybeck Foto: Bjørn Karsrud

Ny bok løftar fram kulturhistoriske dammar i Drammensvassdraget

Publisert av Arne Heimestøl 04.07.2025. Sist oppdatert 04.07.2025.

Torodd Lybeck er aktuell med boka Brøtningsdammane – kulturhistoriske monument i Drammensvassdraget, der han presenterer 150 dammar som framleis står att i elvar og sideelvar i Drammensvassdraget.

Foto: Kvitvella forlag

Boka inneheld både foto, kart og detaljert informasjon om dammane – frå Dokka, Etna og Begna i nord, til Sigdal og Skotselv i sør. Du kan mellom anna lese om damanlegg i både Hedalen og Vassfaret.

Gir nytt liv til gløymd teknologi

I boka greier Lybeck ut om kva rolle brøtningsdammane spelte i tømmerfløytinga frå 1700-talet og fram til 1900-talet. Han forklarar også skilnaden på brøtning og fløyting og gjev eit innblikk i den krevjande prosessen med å få tømmeret trygt nedover elvane.

Næring som bygde landet

Tømmerdrift og trelasthandel var sentrale næringar som la grunnlaget for Noregs økonomiske sjølvstende. Brøtningsdammane vert i boka løfta fram som fysiske minnesmerke over denne avgjerande delen av historia.

Ei praktbok med språk og bilete i særklasse

Torodd Lybeck har levert ei praktbok om brøtningsdammar i Drammensvassdraget. Den pensjonerte læraren skriv særs godt på nynorsk og er også ein dyktig fotograf.

Boka gjev innsikt i vår nære historie om sider av skogsdrift frå tida før tømmerbilar overtok tømmertransporten.

Boka Brøtningsdammane – kulturhistoriske monument i Drammensvassdraget (Kvitvella forlag) kan du kjøpe på mellom anna Joker Hedalen.

I 2007 ga Eldor Bråthen ut boka Vassfarbrøtningen. Om tømmerfløting (brøtning) i Hedalen, Hedalsvassfaret og Øvre Ådal: Vassfaret elvekasse.
Denne boka er éi av dei skriflege kjeldene Lybeck har brukt i boka si.
Foto: Bjørn Karsrud

.

Les også..

Klinikksjef Tor Anders Perlestenbakken

Stor aktivitet ved Fekjær psykiatriske senter

Fekjær psykiatriske senter er inne i en periode med omfattende ...
Lars Elsrud. Foto. B. T. Stokke

….altså er jeg.

YTRING: På 1600-tallet hadde en av datidens filosofer som grunnsetning ...
Erland Lønnum. Foto: Vibeke Oddvik, Lokalradioene i Innlandet

Lokalradioene i Innlandet besøkte Hedalen stavkirke

– Lokalradioene i Innlandet har laget tre saker fra vakre ...
Gamlestua logo

Gamlestua garn, gaver og gjenbruk

ANNONSE: Min 9 år gamle nevø fra Oslo har fikset ...
Helselagstur

Bli med på helselagstur 21. august!

BEKJENTGJØRELSE: I år blir det tur til Akershus slott og ...
blåbær

Litt blåbær og lite molter

En nedbørsfattig vår gjør at det neppe blir noe kronår ...