Topplogo Hedalen

Kommunen må halde vatn- og avløpskostnadene under kontrollLEIAREN 

Publisert av Arne Heimestøl 02.04.2025. Sist oppdatert 01.04.2025.

Torsdag 3. april skal kommunestyret i Sør-Aurdal behandle saka Status for plan for opptrapping vatn- og avløp.

Kommunen hadde i 2023 dei tredje høgste gebyra knytt til denne tenesta i landet, men tenesta er likevel ikkje sjølvfinansiert.

Vi meiner det er heilt rett at vatn- og avløpstenesta skal vere ei sjølvkostteneste. Sjølvkostmodellen sikrar at inntektene frå gebyra over tid ikkje skal gå med verken underskot eller overskot.

Men når gebyra allereie er blant dei høgaste i landet, og det ikkje ser ut til å verte betre, er det nødvendig å vurdere alternative tiltak for å hindre at kostnadene blir endå høgare.

Eitt mogleg tiltak er å knyte fleire abonnentar til det kommunale vatn- og avløpsnettet. Dette vil fordele kostnadene på fleire, og slik kunne bidra til meir akseptable gebyr.

Plan- og bygningslova § 27-1 og 27-2 gjev kommunen heimel til å krevje tilkobling til det offentlege vatn- og avløpsnettet. I det vidare planarbeidet må kommunen nytte denne lovheimelen til å kartleggje kvar det er mogleg å krevje tilknyting, og gjere det der det er relevant.

Sør-Aurdal kommune har alt starta tilsyn med private avløpsanlegg, og fleire eigedomar vil få pålegg om å oppgradere anlegg som ikkje held mål. Difor er det naturleg å sjå dette tilsynet i samanheng med kartlegginga av moglegheiter for tilknyting til det kommunale nettet.

Kommunestyret må ta ansvar og leggje til rette for ei berekraftig vatn- og avløpsteneste – både økonomisk og miljømessig.

Dette krev eit heilskapleg og langsiktig perspektiv der både innbyggjarane og kommunen som heilskap tener på ei meir effektiv og rettferdig ordning.

Les også..

Godt fiske i Vassfaret

Sommeren og høsten har bydd på godt fiske i Vassfaret, ...
Kaffestund med allsang

Trivelig samling på Hedalsheimen

Sist søndag arrangerte foreningen Hedalsheimens venner kaffestund med allsang for ...
Foto: Arne G. Perlestenbakken

Vedtok å dekke inn 500 000 av kirkelig underskudd

Kommunestyret i Sør-Aurdal vedtok torsdag 4. september å dekke inn ...
Kirkerottene

Kirkerotteteater i Bagn kyrkje torsdag 25. september kl. 17.30

BEKJENTGJØRELSE: I år får kirkerottene besøk av Lea Mus. Kirkerottene ...
Hedalen helselag ny logo

Ny dato: Fjelltur for alle lørdag 20. september

BEKJENTGJØRELSE: Runde om Slasetra, fra Strøsdammen kl. 10.30. Samkjøring fra ...
Høve

Høve i Reinli ble valgt

Det var tilløp til dramatikk da kommunestyret torsdag 4. september ...