Sør-Aurdal kommune skal fordele kulturmidlar for 2025

Torsdag 20. mars skal formannskapet behandle saka Kulturmidlar 2025 – rammefordeling. Retningslinjer for tildeling av kulturmidlar finn vi kulturplanen som kommunestyret vedtok i november 2015.

Mål og kriterium

Målet er at frivillige lag og foreiningar skal få føreseielege utviklingskår for drifta gjennom årlege tilskot frå kulturmidlane.

Kommunestyret har vedteke kriterium og prioriteringar for å få støtte.

Søknadsfristar

Søknadsfristen for kulturmidlar til drift av lag og foreiningar er 1. april, medan tilskot til kulturføremål og arrangement har frist 1. mai og 1. november.

Ramme

Totalt er det sett av 523 000 kroner til drift av frivillige lag og foreiningar, samt tilskot til ulike kulturføremål og arrangement.

I rammefordelinga av kulturmidlane fastset formannskapet kor mykje som skal delast ut i tilskott til drift av frivillige lag og foreiningar i hovudfordelinga av kulturmidlane, og kor mykje som skal setjast av i tilskott til kulturformål/arrangement.

• Her kan du lese saka formannskapet skal behandle torsdag 20. mars.
• Vil du ha meir informasjon, kan du finne det på kommunen si heimeside.