Kor

Konsertar med koret OFFbeat frå Nord-Tyskland

Publisert av Jan Henrik Bakke 03.05.2024. Sist oppdatert 02.05.2024.

OFFbeat er eit kor frå Schleswig i Tyskland, nærare bestemt frå byen Rendsburg ved Kiel-kanalen. I fleire hundre år låg hertugdømma Schleswig-Holstein under Danmark, og Rendsburg var dansk garnisonsby. Christkirche, som stod ferdig i 1700, kunne romme 2 000 soldatar til gudstenste.
No er kyrkja også konsertarena under den årlege Pop & Gospelfestivalen kvar haust.

I 2019 var Sør-Aurdalkoret og Vestre Slidre sanglag gjestekor under festivalen. Då framførte 230 songarar frå 10 kor og ensemble sine program i ei fullsett kyrkje. Stor stemning og stor stas!
Utan at vi visste om det, hadde vertane lagt ut norske papirflagg i kyrkjebenkane, og vi vart både rørte og overraska då vi såg raudt, kvitt og blått overalt i kyrkjerommet etter vårt program.

Primus motor for festivalen er Birthe Ley-Thörning, organist og dirigent for koret OFFbeat. Dei har drygt 50 medlemar. I 2020 og 2021 sette korona-restriksjonar ein stoppar for festivalen, men i 2022 kom arrangementet på plass att, og i 2023 vart festivalen arrangert for 23. gong.

No er det vår tur til å vere vertar for OFFbeat, som kjem på gjenvisitt til Noreg med 38 songarar. Songarane bur dels privat hos songarvener, dels på hotell.

Vi byr på to gratiskonsertar saman med dei tyske gjestene våre:

  • Begnadalen kyrkje, helgetorsdag 9. mai kl. 17, med Hedalen sangkor som gjestekor.
  • Slidredomen fredag 10. mai kl. 17.

Kjem du på konsert, får du høyre eit svært variert program, framført i dei to beste konsertkyrkjene i Valdres. Dette må du få med deg! Velkomen skal du vere!

Les også..

Hilde Lysengen Havro

Avisa Valdres går frå tre til to papiraviser

Frå og med 2. juli vil "Valdres" koma ut i ...
Logo HIL

Dugnad stadion, grusbanen og aktivitetsparkBEKJENTGJØRELSE 

Hedalen idrettslag trenger din hjelp! TIRSDAG 28. mai fra kl. ...
Hedalen barne- og ungdomsskole. Foto: Dagfinn Heimestøl

Kom på basar!BEKJENTGJØRELSE 

Kom på basar på Hedalen barne- og ungdomsskole mandag 3. ...
Bautahaugen

Dugnadssesongen er ikke over!BEKJENTGJØRELSE 

17. mai på Bautahaugen ble fantastisk flott! Finere ramme rundt ...
Kviss

Valdresmål – kviss – 5

Håkon Bakkene, Synnøve Fjelltun og Marianne Granheim Trøyflat har sammen ...
Pendling

Attraktiv kommune å bo i?

Ved nyttår var det 2 836 innbyggere i Sør-Aurdal. Det ...