Cato og Henning Foto: Arne Heimestøl

Denne nypremieren må du få med deg!

Publisert av Arne Heimestøl 10.04.2024. Sist oppdatert 13.04.2024.

Det blodige bryllaupet på Dale i Vestringsbygda for 200 år sidan vart dokumentarteater på Hilme-stemnet i fjor. No vert det nypremiere på stykket «Eg er Tølleiv» på Nordre Lokalet i Hedalen laurdag 13. april klokka 19.00.

Måndag var vi innom Lokalet. Der var skodespelar Cato Skimten Storengen og spelemann Henning Andersen i gang med øvingar til framsyninga.

Teaterstykket vert i tillegg til premieren i Hedalen vist for fem ungdomsskolar i Valdres, for innsette på Slidreøya i tillegg til tre opne framsyningar i Vang, i Røn og på Trykkeriet på Fagernes.

Arvestrid og drap

– Handlinga i stykket tek utgangspunkt i ei hending i Vestringsbygda i 1823, fortel Cato. – Det var eit bygdesamfunn prega av fattigdom etter napoleonskrigar i Europa, samtidig som ein opplevde stor vekst i folketalet. Det å eige jord var svært viktig.

– Kjørstaddrapet tek utgangspunkt i ein arvestrid rundt garden Kjørstad. Striden enda med at to brør vart drepne i eit bryllup. Drapsmannen hadde fått feste på garden og går fri etter ugjerninga.

Foto: Anders Lillebo
Foto: Anders Lillebo

Tølleiv

Kven var Tølleiv Revkling som du speler i stykket, Cato?

– Tølleiv var ein av dei to brørne som mista livet i bryllupet. Han meinte at han hadde rettmessig krav på Kjørstadgarden, men eigaren ville ikkje at Tølleiv, som var kjend som ein bråkmakar og ei slåsskjempe, skulle få ta over. I teaterstykket, som er skrive av Alice Gudheim, prøver vi å nyansere bildet av kven Tølleiv var.

Foto: Anders Lillebo
Foto: Anders Lillebo
Eg er Tolleiv
Cato Skimten Storengen og Henning Andersen. Ragnhild Lund har regien.
Foto: Anders Lillebo

Litt hedalsdialekt òg

Kva for språkform vert stykket framført på?

– Vi har lagt oss på rein nynorsk med valdresklangbotn. Hedalsdialekten kjem fram når Henning og eg speler to sladredamer i bryllaupet, fortel Cato.

Foto: Anders Lillebo
Foto: Anders Lillebo

– Kjenner meg heime

Og nypremieren er lagt til Lokalet?

– Ja, og det gler eg meg over at vi har fått til. Eg kjenner meg heime der, og det er alltid naturleg for meg å få spelt det eg lagar på Nordre Lokalet. I tillegg til at eg har sterke emosjonelle band til huset, er det ei fantastisk intim scene som det er godt å spele på der, seier Cato.

Slik bestiller du billett(ar)

Send SMS til Cato på mobil 47 75 54 92.

Les også..

Hilde Lysengen Havro

Avisa Valdres går frå tre til to papiraviser

Frå og med 2. juli vil "Valdres" koma ut i ...
Logo HIL

Dugnad stadion, grusbanen og aktivitetsparkBEKJENTGJØRELSE 

Hedalen idrettslag trenger din hjelp! TIRSDAG 28. mai fra kl. ...
Hedalen barne- og ungdomsskole. Foto: Dagfinn Heimestøl

Kom på basar!BEKJENTGJØRELSE 

Kom på basar på Hedalen barne- og ungdomsskole mandag 3. ...
Bautahaugen

Dugnadssesongen er ikke over!BEKJENTGJØRELSE 

17. mai på Bautahaugen ble fantastisk flott! Finere ramme rundt ...
Kviss

Valdresmål – kviss – 5

Håkon Bakkene, Synnøve Fjelltun og Marianne Granheim Trøyflat har sammen ...
Pendling

Attraktiv kommune å bo i?

Ved nyttår var det 2 836 innbyggere i Sør-Aurdal. Det ...