Sør-Aurdal Historielag

Ca. 60 personar vart med på turen til Fristaden ved Høvren i dag! Været slo til med god temperatur, vindstille og med tidvis gløtt av sol. (Biletet øvst på sida viser fiskebuene ved Fristaden ved vatnet Høvren i Sør-Aurdal.)

Kristian Berglund fortalde frå sitt uutømmelege lager av historier om staden, og kva fisket i Høvren har betydd for folk opp gjennom tidene.

Vi fekk sjå inn i fleire av dei seks nausta, som blir godt teke vare på av dei noverande eigarane. Alle fekk og ein smak av sik-kaker.

Kristian hadde fiska siken i Høvren og Torunn Øyhus hadde stått for tillaginga av dei velsmakande sik-kakene. Ein svært vellykka tur på alle måtar. Takk til alle som møtte opp!