Rasert skog på Storrustemoen

Må ha forsikring for å få erstatning

Publisert av Arne Heimestøl 30.11.2021. Sist oppdatert 30.11.2021.

Søndag var Inge Såvi Fjalestad innom Storrustemoen sør i Hedalen. Han er innleigd takstmann for forsikringsselskapet Skogbrand. Fjalestad var tidlegare direktør i selskapet, men er no pensjonist.

På denne garden slo stormen ned ca. 8000 kubikkmeter med tømmer.

– Skogbrand er det einaste forsikringsselskapet der skogbrukarar kan teikne forsikring for skogskadar i Noreg. Selskapet har berre ti tilsette. Til no har Skogbrand motteke om lag 500 skademeldingar på Austlandet etter stormen 19. november, fortel Fjalestad. – Eg meiner uvêret som råka deler av Austlandet denne gongen, er den verste stormen vi har hatt etter den andre verdskrigen.

Inge Såvi Fjalestad

Brann og storm

På nettsida til Skogbrand les vi at Skobrand er eigd av skogeigarane. I 2005 slutta Statens Naturskadefond å dekke stormskadar på skog. Utan forsikring ber skogeigaren altså heile risikoen sjølve.

Det er mogleg å teikne forsikring som dekker brann og storm. Full skogforsikring består altså av både branndekning og stormdeking. Ei slik forsikring kostar i snitt ei krone per dekar per år. Prisen avheng av kva type dekning skogeigaren vel, bonitet og kor i landet skogen ligg.

– I Noreg er det berre rundt 40 % av skogeigarane som har teikna stormforsikring. Prosenttalet er noko høgare på Austlandet, fortel Fjelstad. Kor mange skogeigarar det er som har teikna stormforsikring i Sør-Aurdal, hadde takstmannen ikkje oversikt då vi intervjua han.

Stormskadar

Skadar som kjem av storm i samanhengande skadefelt over to dekar, vert erstatta dersom stammebrrot og rotvelter utgjer minst 25 % av trea i skadefeltet, og at det før skaden stod minst 20 tre per dekar.

Brotskadar på øvre fjerdepart av tre vert ikkje rekna som stammebrot. Dersom meir en 50 % av trea framleis er utviklingsdyktige, vert det utbetalt delvis erstatning.

– Skadeomfanget i Hedalen er opp mot 100 % i områda som er råka, seier Fjalestad.

Erstatning

Fjalestad fortel at det i gjennomsnitt vert utbetalt 2 000 kr per dekar ved full skade. Alle skadar vert erstatta etter faste tabellsatsar per dekar, og då tek ein omsyn til bonitet i skadeområdet, areal, alder og heil eller delvis skade. Eigendelen ved stormskadar er 3000 kr per skade. Erstatning på skadar på ungskog er ikkje skattepliktig.

Taksering

Skogbrand er i gang med takseringsarbeidet, og ressursane vert retta inn mot område der det er tilgjengeleg driftskapasitet. På nettsida til selskapet les vi at skadar må takserast før avvirkning eller opprydding.

Fjalestad fortel at det no vert brukt både dronar og satellittbilete i takseringsarbeidet.

Les også..

Skisse av beredskapssenteret

85 % dyrere enn først planlagt

I kommunestyrets møte 20. februar ga konstituert kommunedirektør Berit Dokkebakke ...
Logo HIL

Onsdagsrenn 19. februar 2025

Skirennet denne uka gikk i fristil og med fellesstart. Kaldt ...
Begnadalen barnehage. Foto: Rune Stenslette

Barnehageopptaket er klart

I kommunestyrets møte 20. februar ga konstituert kommunedirektør Berit Dokkebakke ...
Logoen til Bautahaugens Venner

ÅrsmøteBEKJENTGJØRELSE 

Bautahaugens Venner holder årsmøte i Brakastuggua onsdag 20. mars kl. ...
Foto: Arne G. Perlestenbakken

Barnedåp

Søndag 16. februar ble Kasper døpt i Hedalen stavkirke.
Foto: Arne G. Perlestenbakken

Barnedåp

Søndag 16. februar ble Ella døpt i Hedalen stavkirke.