Vaksinering

Rakfisken likar ikkje uvaksinerteYTRING 

Publisert av Egil Heggen 03.11.2021. Sist oppdatert 03.11.2021.

Ein kan døy av vaksine. Ein kan døy også om ein får ein meteoritt i skallen.

Han tok ein risiko, den engelske 8-åringen James som i 1796 vart med på eit eksperiment. Det gjekk fint med han. Han hjelpte legen bak eksperimentet til å lage vaksine mot den forferdelege koppesjukdommen.

I Noreg starta vaksinasjonsprogrammet mot koppar i 1810. Verdas helseorganisasjon (WHO) erklærte 170 år seinare at verda var koppefri. Det finst sikkert dei som meiner at koppevaksineringa var ein fiasko. Det finst også dei som trur at jorda er flat.

Mange følgde eksempelet til James og let seg frivillig prøve vaksinar mot covid-19. Hundrevis av millionar har takka ja til vaksine mot koronaviruset dei to siste åra.

Tusenvis av ekspertar på epidemi, helse- og vaksineeffektar har samla erfaringar som samvitsfulle helsearbeidarar i dei fleste land har trekt nytte av. Svært få har fått langvarige helseproblem av vaksineringa. Noreg har lagt vekt på å styre unna vaksinetypane som er mistenkte for å kunne ha uheldige biverknader.

Konklusjonen som vaksineskeptikarane for halvtanna år sidan sa at dei mangla, har vi for lengst fått: Covid-vaksinane er ein suksess.

Dei som enno ikkje har innsett det og seier nei-takk fordi dei trur det er farleg å vaksinere seg, bør heller ikkje gå ut i friluft. For då kan dei få ein meteoritt i skallen; sjansen for det er omtrent like stor som at vaksina vil ta knekken på dei.

Dei uvaksinerte kan ikkje klage på manglande informasjon om helsefaren ved covid-smitte.

Men risikoen dei uvaksinerte utset seg sjølve for, er ikkje det største problemet. Verre er det om dei er så sjølvopptatte at dei ikkje er klar over belastninga og risikoen dei påfører andre.

Dei uvaksinerte held liv i pandemien og gir viruset grobotn til å utvikle nye variantar.

Dei som puppar seg inn i alternative oppfatningar og hevdar at covid-19 ikkje finst, eller at det er eit harmlaust virus, bør ein gong til sjekke dokumentasjonen bak påstandane sine. Men det er kanskje for mykje å forlange? Det går som sagt an å tru at jorda er flat også.

Noko som ikkje er for mykje å forlange, er at vaksne, uvaksinerte held seg borte frå rakfiskfestivalen.

Les også..

Thomas Bye

Høyaktuell teaterforestilling på kulturfestivalen

Lørdag 3. august kl. 18.00 blir det en teaterforestilling på ...
Oddvar Gran. Foto: Arne G. Perlestenbakken

Oddvars 16. dialektkviss

Oddvar sender oss fortsatt dialektord som vi kan lage kvisser ...
Vassfarplassen

Bli med Sør-Aurdal Historielag på tur til:BEKJENTGJØRELSE 

Vassfaret og Vassfarplassen lørdag 31. august 2024. Det går buss ...
Foto: Arne G. Perlestenbakken

Bautahaugen lørdag 6. juli

Temaet denne lørdagen på Bautahaugen var plantefarging, hvilket var veldig ...
Kniv

Bautahaugen lørdag 13. juliBEKJENTGJØRELSE 

Tema: KNIVMAKING med Bjørn Michaelsen. Få med deg sommerutstillinga «Bare ...
Framdriftsplan

Mange private avløpsanlegg må oppgraderes

Sør-Aurdal kommune er i gang med kartlegging av alle private ...