Arne Heimestøl

Er orda grenda og bygda minusord – eller noko mindreverdig i Sør-Aurdal?YTRING 

Publisert av Arne Heimestøl 28.06.2021. Sist oppdatert 26.06.2021.

Dei siste dagane har eg spandert nokre timar på å lese høyringsutkastet til den nye kommuneplanens samfunnsdel mot 2030. Det er eit interessant dokument som fleire bør lese og kome med innspel til. Eg vel å ytre meg på Hedalen.no.

Kommuneplanen er eit styringsverktøy som inneheld ein samfunnsdel og ein arealdel. Samfunnsdelen legg føringar for samfunnsutvikling og tenester, og arealdelen handlar om arealutvikling, vekst og vern i kommunen.

Kommunestyret skal ta stilling til kommuneplanen i kvar valperiode. No er samfunnsdelen av planen ute på høyring, og fristen for å kome med innspel er sett til 25. august.

På side 5 i planutkastet har ein teke med eit sitat frå innspelsmøte i Reinli: «Fra grendepatriot til Sør-Aurdalspatriot!»

Javel…

Når du ytrar deg, kan du velje ord som gjev mottakaren eit positivt, nøytralt eller negativt inntrykk.

  • Nullord kan gje ein tekst eit nøytralt inntrykk.
  • Plussord kan gje mottakaren positive assosiasjonar.
  • Minusord kan gje ytringar eit negativt inntrykk.

Lat meg gjere det heilt klart: Eg er stolt av både grenda og bygda eg bur i.

I dei 34 åra eg har budd i Sør-Aurdal, har eg ikkje alltid hatt varme kjensler for kommunen – Sør-Aurdal.

Skal eg få høgare vi-kjensle i kommunen eg bur i, ber eg om at planen får større respekt for at Sør-Aurdal både skal ha levande grender, levande bygder og eit levande kommunesenter.

Det er ikkje til å stikke under ein stol at kommunesenteret har hatt størst merksemd dei siste åra. Utbygging av Sør-Aurdalshallen, opprusting av Bagn skole og ny kommunedelplan for Bagn er eksempel på dette.

No er det på tide at dei folkevalde ser på kva ein kan gjere for resten av bygdene og grendene.

Skal vi stoppe eller snu negativ folketalsutvikling, må vi, som planutkastet tek til orde for – samarbeide.

Samarbeid er, slik eg ser det, felles innsats frå likeverdige partar for å gjennomføre oppgåver og nå mål.

Dette bør planen synleggjere ved mellom anna å ta på alvor at vi har historisk låge fødselstal i kommunen vår no.

Knapt noko er viktigare enn å satse på føreseielege levekår og tilrettelegging for unge familiar som vil bu, eller som vil busetje seg der dei sjølve vil slå seg ned i kommunen vår.

At planen ikkje med eit ord nemner bulystprosjektet kommunen har vedteke, finn eg oppsiktsvekkjande. Dette må sjølvsagt rettast opp.

Les også..

Ola Jonny Fossholt

Etterlyste markering

Rehabiliteringen av Hedalen barne- og ungdomsskole er nå fullført. Prosjektet ...
Hedalsheimen. Foto: Helge Nordby

Norge renner over av penger. Men det gjør ikke Sør-Aurdal kommune.

YTRING: «Hver nordmann har i gjennomsnitt litt over 3,4 millioner ...
Jannicke Hexum Foto: Arne Heimestøl

Omvisning i kirka

ANNONSE: Hedalen stavkirke er åpen for omvisning i perioden 29. ...
Logoen til Bautahaugens Venner

Bautahaugen lørdag 5. juli

BEKJENTGJØRELSE: I sommer kretser temalørdagene rundt utstillinga «SAU. Livredder gjennom ...
Bjørg taler

Bautahaugen åpnet sommersesongen med sau i sentrum

Sommersesongen på Bautahaugen samlinger i Hedalen ble offisielt åpnet sist ...
Kari-Anne Jønnes Foto: Marianne Gunnerud, Høyre

Skattekutt, rettferdighet og forutsigbarhet

YTRING: Høyre vil at du skal få beholde mer av ...