Kart over det aktuelle området

Vassfaret er med i utkast til KULA-rapport

Publisert av Arne Heimestøl 12.06.2021. Sist oppdatert 11.06.2021.

Vassfaret er eitt av 18 område som er med i Riksantikvaren sitt høyringsdokument over landskap av kulturhistorisk interesse i Oppland (KULA). Torsdag 17. juni kjem høyringsfråsegn opp til behandling i kommunestyret i Sør-Aurdal. Etter høyringa vil Riksantikvaren utarbeide ein endeleg rapport.

KULA – landskap av nasjonal interesse

– Landskapet er som ei levande historiebok, les vi i forordet til dokumentet. – Det fortel om liv og verksemd i Noreg slik det ein gong var, om endringar gjennom tidene, og om korleis det er i dag. Spor etter menneske finst overalt i landskapet – i det opne jordbrukslandskapet, i skog og mark, på fjellet og i byar og tettstader.

For å bidra til å ta vare på nasjonalt viktige landskap utarbeider derfor Riksantikvaren eit landsomfattande register: Kulturhistoriske landskap av nasjonal interesse (KULA). Dette er eit oppdrag frå Klima- og miljødepartementet og blir gjennomført i nært samarbeid med regional kulturminneforvaltning og med involvering av kommunane.

Med KULA-registeret signaliserer kulturminneforvaltninga tydeleg kva for landskap som har nasjonal interesse, og ønskjer med dette å bidra til ei meir føreseieleg arealplanlegging.

Vassfarplassen
Vassfarplassen. Foto: Arne Heimestøl

– KULA tek vare på verdiar

Vi har spurt tidlegare skogbrukssjef, Arild Haglund, om kva han synest om at Vassfaret no vert med i KULA-rapporten til Riksantikvaren. Han kvitterer med dette sitatet frå informasjonsarket vi har lenka opp ovanfor:

«KULA-registeret er ikke en verneplan, og landskapene blir ikke fredet eller vernet ved at de blir med. KULA er et signal om at det er viktig å ta hensyn til verdiene, og skal være et kunnskapsgrunnlag som kommunene og andre etater kan bruke i sin arealplanlegging.

Det er viktig at landskapene fortsatt er i bruk og at jorda og skogen drives videre. Fortsatt drift kan i mange tilfeller være avgjørende for å ta vare på landskapsverdiene. En KULA-status skal ikke stoppe utviklingen, men bidra til en god utvikling som ivaretar verdiene.»

Tilsvarande rapport i Buskerud

Ein del av Vassfaret ligg i Buskerud i Viken. Den endelege rapporten frå denne delen av Vassfaret vart ferdig i 2020. Kommunane Sør-Aurdal, Nesbyen og Flå har område i Vassfaret. 84 km2 av området ligg i Buskerud. 109,7 km2 finn vi i Oppland.

Kommunestyresaka

Kommunedirektøren har dette forslaget til vedtak:

«Sør-Aurdal kommune er særs godt nøgd med at Vassfaret er vald ut til å være med i KULA. Området er eit viktig område, både for fritidsaktivitetar, historie, natur, kultur og kulturlandskap.

Sør-Aurdal kommune er positive til at det kan vere både bandlegging i tråd med naturvernloven og omsynssone for landskap i området, slik det er avmerkt i kartet på side 75 i høyringsdokumentet. Vi håpar at det vil bli gjeve tilskot til områda i KULA, slik at desse punkta kan gjennomførast.»

Les også..

Rasert skog på Storrustemoen

Storstormen i 1934

Min oldefar Ole E. Elsrud har skrevet i sine notater ...
Store skader

Store skader på Trollhaugen

Trollhaugen ligger høyt og fritt ovenfor Stupulmyra.14 digre furuer har ...
Skjermdump av film.

NRK Innlandet

NRK Innlandet har laget et intervju med tre barn i ...
Verkstedet i Liesbråten. Foto: Arne G. Perlestenbakken

DrivstoffpumpeneANNONSE 

Drivstoffpumpene i Liesbråten blir operative på mandagskvelden den 29. november.  ...
Kaoset

Det har gått braYTRING 

Lørdag 20. november. Det har gått bra. Månen er ennå ...
Oppryddingsarbeid

Oppdatering 26.11. kl. 16.00

168 timer er nå gått siden SAE startet oppryddingsarbeidet etter ...