Nullutsleppskjøretøy

Bompengar for nullutsleppskøyretøy

Publisert av Arne Heimestøl 25.04.2021. Sist oppdatert 24.04.2021.

Skal nullutsleppskøyretøy betale bompengar på strekninga E16 Fønhus–Bagn–Bjørgo, og kva for takstar skal eventuelt gjelde? Dette er spørsmål formannskapet tysdag 27.4. skal uttale seg om i ei høyring. Her kan du sjå takstane som gjeld for E 16 – Bagnskleiva no.

I tidlegare takstretningslinjer for bompengeinnkreving på offentleg veg har nullutsleppskøyretøy vore fritekne for å betale bompengar. Formålet med ordninga har vore å redusere klimagassutslepp i transportsektoren.

Maksimalt halv takst

Stortingsproposisjon 87 S (2017–2018) opnar for å ta betalt for nullutsleppskøyretøy i eksisterande bompengeprosjekt – dersom det er lokalpolitisk tilslutning til dette.

Stortinget har bestemt at betaling for nullutsleppskøyretøy ikkje skal vere større enn maksimalt 50 % av ordinær takst, minus brikkerabatt.

Betaling av bompengar for nullutsleppskøyretøy krev elektronisk brikke.

– Urettferdig med fritak

Fylkesordførar Even Aleksander Hagen. Foto: Kirsti Hovde / Innlandet fylkeskommune
Fylkesordførar Even Aleksander Hagen. Foto: Kirsti Hovde / Innlandet fylkeskommune

Fylkestinget i Innlandet har vedteke at halv takst for nullutsleppskøyretøy bør innførast på alle offentlege bomvegar i fylket.

– Dette er viktig for å sikre at låna som fylkeskommunen garanterer for, vert nedbetalte i avdragstida, uttalar fylkesordfører Even Aleksander Hagen (Ap) på fylkeskommunen si heimeside.

– Nullutsleppskøyretøy utgjer ein stadig større del av biltrafikken. Desse bilane slit også på vegane, slik som det bensin- og diesel-bilar gjer. Derfor kan eigarar av fossilkøyretøy oppfatte det som urettferdig at nullutsleppskøyretøy passerer gratis på bomvegar, seier Hagen.

Forslag til vedtak

I framlegg til vedtak i nemnde formannskapssak les vi at Sør-Aurdal kommune støttar vedtaket som er gjort i fylkestingssak 27/2020, om innføring av betaling for nullutsleppskøyretøy på strekninga Fønhus–Bagn–Bjørgo på E 16, med maksimalt 50 % av vanleg takst.

No står det att å sjå kva formannskapet i Sør-Aurdal seier om saka.

Les også..

Logo Hedalen idrettslag

Stolpejakten 2025 er i gang!

Hedalen idrettslag har satt på plass og merket 35 stolper, ...
Kari-Anne Jønnes

Lytt til medlemmene, LO!YTRING 

Kritikerne står i kø når det er snakk om næringslivets ...
Hedalen ungdomslag

Hedalen ungdomslag informerer

Hedalen ungdomslag har laget dette informasjonsarket.
Hedalen kunst- og husflidslag

Kurs i plantefargingBEKJENTGJØRELSE 

Hedalen kunst og husflidslag arrangerer kurs i plantefarging for nybegynnere. ...
Nye leger

Legetjenesten i Sør-Aurdal under press: Sliter med å rekruttere fastleger

Legetjenesten i Sør-Aurdal kommune har i løpet av 2024 stått ...
Muggedalen Foto: Håvard Sukke

Årsmøtet Vegen Nordby bru-Muggedalen bruBEKJENTGJØRELSE 

avholdes på Nordre Hedalen forsamlingshus 27.05. kl. 19.00.Vanlige årsmøtesaker. Saker ...