Vaksineringa tek tid

I denne veka startar Sør-Aurdal kommune vaksinering av gruppe 4. Dette gjeld personar i alderen 65–74 år og personar mellom 18 og 64 år som har sjukdommar/tilstandar med høg risiko for alvorleg utvikling. I aldersgruppa 65–74 år var det 493 personar i 2020.

Vaksinar

I veke 15 har kommunen fått tildelt 16 hetteglas med Pfizer-vaksine. Det held til 96 dosar. I veke 16 kjem det 14 hetteglas med same vaksine – 70 dosar.

Til no har kommunen berre motteke vaksinar som skal setjast i to dosar. Andre dose vert sett seks veker etter at ein har fått den første.

AstraZenika

20 % av kommunens vaksinedosar går til helsepersonell. Fleire i denne gruppa har fått første dose av AstraZenika-vaksine. – Korleis vi skal fullføre vaksineringa av dei som har fått første dose med denne vaksinen, veit vi ikkje enno, seier kommunedirektør Haakon Boie Ludvigsen.

• Les meir om folketal i aldersgrupper og vaksinetypar.

Status per 9. april

580 har per 9. april fått første vaksinedose i Sør-Aurdal. 204 er fullvaksinerte. Det er 2904 innbyggjarar i Sør-Aurdal.

Vaksinasjonar til no etter alder

Vaksinerte etter alder 5.4.–10.4.

• Kjelde