Kommunestyret

Det handlar om Noreg

Publisert av Arne Heimestøl 01.03.2021. Sist oppdatert 28.02.2021.

Det er mogleg å stabilisere folketalet i distrikta i åra som kjem, men det vil krevje ein aktiv distrikspolitikk. Dette er éin av konklusjonane i NOU 2020:15 Det handler om Norge.

18. desember 2020 vart utgreiinga send ut på høyring. I høyringsbrevet les vi at utvalet skulle utgreie konsekvensane av demografiutfordringar i distrikta for statleg, kommunal og privat sektor, og komme med forslag til moglege løysingar.

Formålet med utvalet var mellom anna å få meir kunnskap om korleis fleire eldre og færre yrkesaktive vil påverke mindre sentrale strok i landet, få identifisert konsekvensar og utfordringar, særleg med omsyn til å oppretthalde berekraftige samfunn, og få forslag til korleis utfordringane kan bli møtt av styresmakter og private.

Utvalet sine vurderingar

Ambisjonane for Noreg må vere at distrikspolitikken bidreg til berekraftige samfunn i heile landet. Ein må tilpasse situasjonen slik at folk og verksemder vil komme til, og bli, i distrikta

  • Ein må stabilisere folketalet fram mot 2040.
  • Aldring må møtast med nasjonal politikk og finansiering.
  • Flytting frå sentrum til periferi må til.
  • Tilfredsstillande infrastruktur for transport og samhandling må vere på plass.
  • Bustadmarknadane må fungere.
  • Ein må leggje vekt på kompetanse og utdanning.
  • Det må vere rom for å prøve ut nye verkemiddel.

Sjå KS Innlandet sin presentasjon på ordførarmøtet i Innlandet 3.2.2021 .

Innlandet fylkeskommune

3. februar vart det gjennomført eit ordførarmøte på Teams i Innlandet. Her kan du lese presentasjonen Fylkeskommunens blikk på «Norman-utvalget».

Kommunen si høyreuttale

Kommunestyret i Sør-Aurdal behandla torsdag 25.2. saka NOU 2020-15 – Høringssvar, «Det handler om Norge». Kommunestyret slutta seg til utarbeidd uttale.

Mot tre stemmer vedtok kommunestyret følgjande tillegg til punktet budstadpolitikk framsett av Olav Kristian Huseby (H).

«Attraktive bustadar trekker til seg folk. Bustadar i distrikta aukar ikkje i verdi på same måten som i sentrale strok. Bustadar i byane kan ha høg verdistiging og vere ei investering. I distrikta kan desse investeringane tape verdi. Dette kan føre til at det er mindre interessant å bygge bustadar i distrikta. Sør-Aurdal kommune ynskjer støtteordningar til utvikling av budstadområde, byggesaksarbeid og renovering av buplassar i distriktskommunar. Attraktive bustadar i distriktet vil tiltrekke seg folk.»

Kommunestyret slutta seg samrøystes til dette tilleggsforslaget frå Finn Olav Teslo (Ap):

«d. satse på fleksibel fagutdanning for å imøtekomme den økende demografiutfordringen i samfunnet. De må ha tilbud om 100 % stilling ved endt utdanning.»

 

Les også..

Hedalen kulturfestival

Hedalen Kulturfestival fyller 5 år!

Hedalen Kulturfestival fyller i år 5 år, og vi gleder ...
Tinestafetten

Tinestafetten 2024

Det ble tett på skoleslutten, men vi fikk arrangert Tinestafetten ...
Vannverket i Hedalen Foto: Arne G. Perlestenbakken

Vannverksaka på NRK

Onsdag og torsdag var det oppslag om vannverksaka i Hedalen ...
Lørdagssamlinga på Bautahaugen var godt besøkt. Foto: Arne Heimestøl

Bautahaugen samlingerBEKJENTGJØRELSE 

Valdresmusea informerer om sommerprogrammet på Bautahaugen samlinger. Les informasjonssida her.
Foto: Arne G. Perlestenbakken

Ønsker å gi tilbud til flere

Tirsdag 11. juni fikk kulturskolens elever vise fram noe av ...
Foto: Arne G. Perlestenbakken

Våt, men problemfri tur gjennom Vassfaret

Lions club Vassfaret har arrangert  denne turen siden 1978. I ...