Leiar

Kven og kva skal vi tru på?LEIAREN 

Publisert av Arne Heimestøl 08.02.2021. Sist oppdatert 07.02.2021.

16. juni 2020 vedtok fylkestinget i Innlandet å be fylkeskommunedirektøren å leggje fram ein gjennomgang av tannklinikkstrukturen i fylket. I fylkesbudsjettet for Innlandet er det lagt til grunn ei årleg innsparing på 2 millionar kroner til tannhelse.

Dette var noko av bakteppet då fylkeskommunedirektøren la fram sak for hovudutval for utdanning og fylkesutvalet knytt til klinikkstrukturen. Her les vi mellom anna at tannlegekontora i Bagn og Vang er mellom dei som har særlege rekrutteringsutfordringar. Fylkeskommunedirektøren foreslo å samlokalisere tannklinikk-kontora på desse to stadane til Valdres lokalmedisinske senter.

Fylkesutvalet vedtok sist tysdag å sende saka attende til administrasjonen. Det er to punkt i vedtaket som er særleg interessante.

«1. Dagens tannklinikkstruktur videreføres på en slik måte at flest mulig innbyggere har kort eller overkommelig veg til fylkeskommunale tannhelsetjenester.»

og

«5. Fylkesutvalget ber fylkeskommunedirektøren evaluere samlokaliseringen av tannklinikkene i Valdres ved Valdres lokalmedisinske senter. Evalueringen legges fram til fylkestingets behandling i juni.»

I ei ytring på Hedalen.no skriv Bjørn Jarle Røberg-Larsen, fylkestingsrepresentant, Innlandet Arbeiderparti, at partiet hans vil syte for at tannklinikkane i Vang og Bagn skal bestå.

Men kvifor stemte partiet hans då for å evaluere samlokaliseringa av tannklinikkane i Valdres ved Valdres lokalmedisinske senter? Her er det brukt bestemt for fleirtal av substantivet tannklinikk. Slik vi les vedtaket, betyr det alle tannklinikkane. Men framleis har Bagn og Vang tannlegekontor.

Dette er ei sak som engasjerer mange i Vang og Sør-Aurdal. Nærleik til offentlege tenester er viktige spørsmål.

Vi håper Arbeiderpartiet og Senterpartiet, som har fleirtal i fylkestinget, kan forklare kva dei har meint med det siste vedtaket i fylkesutvalet.

Les også..

Tingvoll. Foto: Arne Heimestøl

Kommunalsjef Gro Anita Bakketun har fått avsluttet sitt arbeidsforhold til Sør-Aurdal kommune

Sist tirsdag ettermiddag tok kommunedirektør Haakon Boie Ludvigsen kontakt med ...
Tingvoll. Foto: Arne Heimestøl

Ligger an til å bruke mer enn budsjettert

Torsdag 30. juni skal formannskapet behandle første tertialrapport for 2024. ...
Fønhuskoia. Foto: Sigrid Haugen

Dugnad på Fønhuskoia – blir du med?BEKJENTGJØRELSE 

Torsdag 13. – lørdag 15. juni blir det dugnadsdager på ...
Knut Digene

– Regnet berger førsteslåtten

I Hedalen var det en svært tørr mai måned fram ...
Næringseiendom

Næringseiendom til salgs, Hedalen i ValdresANNONSE 

Næringseiendom med god beliggenhet i søndre del av Hedalen i ...
Busufjellet Foto: Leikny H. Nordby

Stolpejakten 2024

Hedalen idrettslag har også i år satt ut 30 stolper, ...