![12124_nybraaten-p Eliteokse frå Vestbygda](https://hedalen.no/wp-content/uploads/2020/12/12124_nybraaten-p.jpg)
Eliteokse frå Hedalen
Nyleg vart det kjent at oksen Nybraaten P er godkjend som Norsk Raudt Fe – eliteokse. Det er Jon Osvald Gunderhuset i Vestbygda i Hedalen som har levert denne oksen.
Med bakgrunn kunnskap om arv frå far og mor til oksen vart oksekalven fire månader gammal seld til Geno. No vert den vaksne Nybraaten P brukt i vidare avl.
![](https://hedalen.no/wp-content/uploads/2020/12/2020-12-01-okse-1.jpg)
Mjølk- og kjøtproduksjon
Guderhuset har for tida seks mjølkekyr på garden sin i Vestbygda. Heime har han 50 dekar dyrka jord, men han leiger slått fleire andre stader i bygda òg.
Fram til 2015 dreiv Jon Osvald garden saman med faren, Ola Gunderhuset. Verksemda hadde namnet Nybraaten samdrift. Då faren døydde, skifta drifta namn.
Ein kollega i landbruket i Hedalen fortel at Gunderhuset eigentleg skulle ha hatt premie for feilfri elitemjølk i 15 år i år. Dette vert det ikkje noko av ettersom drifta har fått nytt namn.
Seterdrift
Fram til 2015 hadde Nybraaten samdrift seterdrift i Bogen. Dei siste åra har dette vore vanskeleg å gjennomføre, men setra vert framleis brukt til beite for ungdyr.
![Fra setra i Bogen i 2005. Foto: Arne G. Perlestenbakken](https://hedalen.no/wp-content/uploads/2020/12/2020-12-01-seter-5.jpg)
![Fra setra i Bogen i 2005. Foto: Arne G. Perlestenbakken](https://hedalen.no/wp-content/uploads/2020/12/2020-12-01-seter-2.jpg)
![Frå setra i Bogen. Foto: Arne G. Perlestenbakken](https://hedalen.no/wp-content/uploads/2020/12/2020-112-01-seter_8.jpg)
![](https://hedalen.no/wp-content/uploads/2020/12/2020-112-01-seter_7.jpg)
![Fra setra i Bogen i 2005. Foto: Arne G. Perlestenbakken](https://hedalen.no/wp-content/uploads/2020/12/2020-12-01-seter-3.jpg)
![Fra setra i Bogen i 2005. Foto: Arne G. Perlestenbakken](https://hedalen.no/wp-content/uploads/2020/12/2020-12-01-seter-1.jpg)
![](https://hedalen.no/wp-content/uploads/2020/12/2020-12-01-okse-2.jpg)