Leiar

FRAMSIKT – eit framskrittLEIAREN 

Publisert av Arne Heimestøl 08.10.2020. Sist oppdatert 08.10.2020.

Sør-Aurdal kommune har teke i bruk dataverktøyet FRAMSIKT. Det er dette verktøyet som er brukt i tertialrapporten formannskapet skal behandle komande tysdag. Vi finn grunn til å dele ut ros både for noko av det vi les i rapporten – og for måten han er presentert på.

For det første er det grunn til å glede seg over prognosen som vert lagt fram: Årsrekneskapen for 2020 kan kome ut med eit mindreforbruk på 1,6 millionar kroner. Dette er positivt i pandemitida. Mange andre kommunar slit med til dels store budsjettsprekkar.

For det andre er rapporten meir omfattande enn tidlegare tilbakemeldingar, og det er enkelt å få oversyn over korleis ulike resultateiningar ligg an i høve til vedteke budsjett. Nokre område har brukt meir enn det ein etter budsjettet skal på denne tida av året. Dette er merkt med ropeteikn i rapporten og i tillegg kommentert.

Treng dei folkevalde fleire opplysningar, er det med andre ord lett å finne område ein kan stille spørsmål om og ytre seg om.

Kommunedirektøren opplyser at kommunestyret skal bruke FRAMSIKT i budsjettprosessen. Den startar når kommunestyret møtest 22. oktober. Posisjon og opposisjon kan nytte verktøyet til å lage sine eigne budsjettframlegg.

Hedalen.no har spurt om vi kan få lesetilgang i prosessen, men det avviser kommunedirektøren. Betyr dette at budsjettprosessen ikkje vert så open som han skal vere? Det bør både administrasjonen og kommunestyret tenkje gjennom.

I ein artikkel i Kommunal Rapport skriv Sivilombodsmannen om kor viktig opne møter er for lokaldemokratiet:

Åpenhet gjør det mulig for innbyggerne å kunne holde kommunestyrene ansvarlig for beslutningene som tas. Møteoffentlighet er derfor sentralt for et sterkt folkestyre.

Aktiv medvirkning fra innbyggernes side er en forutsetning for at det representative folkestyret i kommunene skal fungere på en god måte. For å få til dette, trenger innbyggerne informasjon om det de folkevalgte foretar seg.

Innsyn i hva som skjer i folkevalgte organer, er særdeles viktig i denne sammenheng. Det er derfor kommuneloven slår fast at møter i slike organer skal være åpne for allmennheten.

Er det som kommunestyret skal vere med på i FRAMSIKT, å rekne som møte? I så fall bør ein følgje reglane for møte slik vi les dei i kommunelova. Hovudregelen er nemleg at folkevalde organ behandlar og avgjer saker i formelle møte.

Det skal ikkje haldast uformelle, lukka samankomstar der det foregår reell saksbehandling. «Dette gjelder saksforberedelse, saksbehandling og fatting av vedtak», skriv Sivilombodsmannen.

Les også..

Fiskedag

Innkalling til årsmøte i Foreningen HedalsfjellaBEKJENTGJØRELSE 

Torsdag 25. aug. kl. 19.00 på Lokalet. Vanlige årsmøtesaker. Eventuelle ...
Ørnulf Dyve. Foto: Arne G. Perlestenbakken

– Magisk

Det var Ørnulf Dyve som avsluttet Hedalen kulturfestival 2022 med ...
Mobiltelefon

Savner du mobiltelefonen din?FUNNET 

Iver Koi har funnet en Samsung mobiltelefon på ei moltemyr ...
Foto: Arne G. Perlestenbakken

Festsamvær på Nordre Lokalet

Lørdag kveld arrangerte Hedalen kulturfestival musikkbingo på Nordre Lokalet. Seinere ...
Fekjær psykiatriske senter

Fekjær psykiatriske senter – Hedalen i Valdres – 12 mil fra Oslo/GardermoenSTILLINGSANNONSE 

Fekjær psykiatriske senter Fekjær psykiatriske senter (FPS) er en stiftelse ...
Aurtjernåsen

Bli med på tur onsdag 10. august kl. 18.00. til AurtjernåsenBEKJENTGJØRELSE 

De som vil samkjøre, møtes på containerplassen kl. 18.00. Vi ...