Leiar

Kommunestyret i koronatidaLEIAREN 

Publisert av Arne Heimestøl 15.09.2020. Sist oppdatert 15.09.2020.

Torsdag 17.9. er kommunestyret innkalla til heildagsmøte i gymnastikksalen på SAUS.

Det er snart tre månader sidan forrige kommunestyremøte, og det er få saker på sakslista.

I starten av møtet skal kommunalsjef for oppvekst og kultur, Inger Randi Islandsmoen Kleven, gi ei orientering om oppfølging av forvaltningsrevisjonsrapporten med tema oppvekst.

Vi undrar oss over at dette temaet ikkje er oppført som sak på sakslista. Ordførar Marit Hougsrud grunngjev dette slik: «Saken tas som en orientering, ja. I denne saken har vi allerede vedtatt forvaltningsrapporten med de tiltakene som er foreslått. Dette vil være en orientering og en statusoppdatering i forbindelse med arbeidet.»

Slik vi har forstått det, kan kommunestyrerepresentantar stille spørsmål, men dei kan ikkje meine noko om det som vert lagt fram, og kommunestyret kan heller ikkje gjere vedtak når ein ikkje har ei sak ein skal handsame.

Vi meiner det hadde vore ein fordel om orienteringa hadde vorte lagd fram som ei sak. Då hadde ein hatt eit saksframlegg, og kommunestyrerepresentantane hadde hatt høve til å førebu seg. Oppvekst har vore eit brennheitt tema i kommunen i over ti år. Vi vil derfor bli svært forundra om kommunestyret ikkje vil meine noko om det som kjem fram i orienteringa.

I budsjettmøtet 17. desember 2019 vedtok kommunestyret følgjande:

«For å imøtekomme de økonomiske utfordringene i økonomiplanen ber vi om at administrasjonen legger fram en tiltaksliste med tydelig oversikt over konsekvenser. Alle områder og tjenester skal gjennomgås uavhengig av tidligere vedtak. Denne legges fram for kommunestyret i mai.»

Dette vedtaket er ikkje følgt opp, og vi har spurt ordføraren kva som skal skje med denne saka. Her er svaret vi har fått på e-post:

«Driftstilpasningsprosessen vil dessverre ikke bli gjennomført slik vi først tenkte pga korona. Prosessen går kontinuerlig, og vil nå gå sammen med budsjettarbeidet denne høsten.»

Kven som har bestemt dette, lurer vi på. Det er i alle fall ikkje kommunestyret. Vi meiner kommunestyretvedtaket frå 17.12.2019 står ved lag til nytt vedtak er gjort.

Les også..

Mørgosvømming med frokostBEKJENTGJØRELSE 

Tirsdag 21. september var oppstart for Mørgosvømming i Sør-Aurdalshallen, med ...
Gapahuk

Gapahuk ved Lundelandet

Bror og jeg var på Lundelandet sist fredag og testet ...
Ildjarnstad skole

Ildjarnstad skole

Det var mange elever ved Ildjarnstad skole ved begynnelsen av ...
Hedalen stavkirke. Foto: Helge Nordby

Begravelsen tirsdag 28.9. kl. 11.00BEKJENTGJØRELSE 

Koronatiltakene er nå opphevet. Det betyr at begravelsen til Svein ...
Valdres kontorpark, Hedalen

Kontorparken og ScanAccount fyller 20 år – markeres med kake og jubileumsutstilling 8.–10. oktober.

Det var Osvald Fossholm som tok initiativet til Valdres kontorpark ...
Dans i Fledda

No kan vi danse att!

Desse to frå Vestland tok laurdag fridomen attende på ein ...